Enver Dugolli, deputet i Kuvendit të Kosovës nga radhët e ‘Lëvizjes Vetëvendosje!’, tha se sot në Gjykatën Speciale, në Hagë, u përmend nga avokati mbrojtës dëshmia e Zoran Stijoviqit për spiunët e Serbisë në Kosovë.
Dugolli, në një postim në Facebook, thotë se në transkript ka pjesë nga dëshmia e Baton Haxhiut në Hagë dhe se aty “Haxhiu tregon që pas bisedës informative me 2 tetor 1997 kishte folur dhe takuar Stijoviqin”.
“Sot, në Gjykatën Speciale u përmend nga avokati mbrojtës dëshmia e Zoran Stijoviqit për spiunët e Serbisë në Kosovë. Transkripti më poshtë është pjesë nga dëshmia e Baton Haxhiut në Hagë. Aty Baton Haxhiu tregon që pas bisedës informative me 2 tetor 1997 kishte folur dhe takuar Stijoviqin, madje Gjykatësi e pyet edhe për çështjen se si Haxhiu ishte shndërruar në ndërmjetësues mes palës serbe dhe shqiptare në një moment. Të tillët ende na mbajnë ‘ders’ nëpër studio televizive e na fshihen prapa portaleve”, shkruan Dugolli në Facebook. /Kosovatimes/
