I riu dyshohet se kujdesej për zogjtë si anëtarë të familjes së tij, duke i marrë me vete kudo që shkonte dhe duke u dhënë atyre dashuri dhe vëmendje. Megjithatë, grekët pretendojnë të kundërtën.
Sipas një burimi në Greqi, i riu ka kaluar rreth një muaj në shëtitoren e qytetit me papagajtë para se të ndëshkohej. Ai fotografonte shpesh turistët me zogjtë e tij ekzotikë, duke paguar pesë euro për foto, gjë që tërhoqi vëmendjen dhe simpatinë e plazhistëve.
Mesa duket dikush e ka denoncuar edhe pse nuk i ka bërë asnjë të “keqe” shpezeve.
Mirëpo, siç zbuloi organizata për mbrojtjen e kafshëve Animal Rescue and Defense Squad, ku janë tani papagajtë pasi u morën nga serbi, nuk është saktësisht kështu.
– Krahët e tyre janë gjymtuar. Na vjen shumë keq që disa shkruajnë se kjo që kemi bërë është e gabuar, ata mendojnë qartë se është e drejtë t’u presim pendët shpezëve dhe t’i përdorim ato për përfitime. Ne e konsiderojmë këtë të papranueshme, e konsiderojmë shkelje flagrante të të drejtave të kafshëve dhe do të vazhdojmë të ndjekim penalisht këdo që e bën këtë në dëm të kafshëve – thanë ata dhe shtuan:
– Dje morëm pjesë aktive në një operacion jashtëzakonisht të suksesshëm që pati rezultatin më të mirë së bashku me policinë greke. Me bashkëpunimin me të gjithë, me urdhër të prokurorit u konfiskuan dy papagaj Makao, të cilët përdoreshin për qëllime fitimi në plazhin e Pefkohorit. Është ngritur padi për mbajtje të paligjshme të dy papagajve dhe abuzim me shpezët. Me urdhër të prokurorit kafshët janë konfiskuar dhe natyrisht kryesit të këtyre veprave i është shqiptuar gjobë sipas nenit 14 të ligjit 4830/2021 në vlerë prej 20 mijë euro. Shpresojmë se kjo do të ndihmojë në uljen e fenomenit të përdorimit të kafshëve për spekulime dhe përfitime.
