Oficerët e antikontrabandës të Doganës së Kosovës ka sekuestruar një automjet të tipit “Ferrari 499 GTB” të regjistruar me targa të huaja në Prishtinë.
Në një postim në faqen zyrtare të Doganës së Kosovës thuhet se oficerët doganorë pas ndalimit të automjetit kanë kuptuar se poseduesi i automjetit është banor i Kosovës, i cili ka vepruar në kundërshtim të normave të Kodit Doganor dhe Akcizave që rregullojnë administrimin e automjeteve të regjistruara jashtë vendit.
“Automjeti i sekuestruar është një Ferrari 499 GTB, me një vlerë të tregut të vlerësuar rreth 250,000 euro. Sipas dispozitave ligjore, automjetet e regjistruara jashtë vendit me targa të rregullta lejohen në Kosovë vetëm nëse përdoren nga pronarët e tyre të ligjshëm gjatë qëndrimeve të përkohshme. Qytetarët e Kosovës nuk kanë të drejtë të posedojnë ose të përdorin automjete të regjistruara jashtë vendit në këto rrethana”, thuhet në njoftim.
Tutje, Dogana e Kosovës ju bënë thirrje të gjithë qytetarët që t’i përmbahen detyrimeve ligjore për mos posedim të automjeteve pa paguar detyrimet doganore. /Kosovatimes/
