Në prag të Lojërave Olimpike Paris 2024, Komiteti Olimpik i Kosovës, organizoi seminarin për shëndetin mental për ekipin olimpik të Kosovës.
“Ligjëruese ishte psikologia sportive nga Sllovenia, Andreja Holsedl, njëherësh ligjëruese në Komitetin Olimpik të Sllovenisë, e cila ligjëroi për përgatitjen psikologjike të sportistëve për Lojërat Olimpike”, thuhet në njoftimin e KOK-ut.
Seminari u vijua nga sportistët dhe trajnerët pjesëmarrës në LO Paris 2024.
Kujtojmë se LO ‘Paris 2024’ do të transmetohet në RTK. /Kosovatimes/
