Nutricionistja ruse Olga Korabljova ka zbuluar se cilat jane pasojat per trupin nëse pijet energjike përdoren rregullisht.
Sipas saj, pijet energjike përmbajnë doza të larta të substancave stimuluese, si kafeina, guarana, xhensen dhe taurina (acidi organik). Efekti i pijeve të tilla mund të zgjasë për rreth tre deri në katër orë, dhe më pas shfaqet një lodhje edhe më e madhe.
“Vrullimi i energjisë zëvendësohet nga rënia e saj, sepse efekti stimulues sigurohet në kurriz të rezervave të brendshme të trupit. Në rast se burimet e energjisë përdoren një herë, nuk është e rrezikshme, por përdorimi i përditshëm shkakton probleme me sistemin nervor, me pasojë depresionin dhe ndjenjën e presionit”, tha eksperti.
Korabljova shtoi se pijet energjike mund të bëjnë presion shtesë në muskulin e zemrës, ndaj nuk duhet të konsumohen së bashku me kafeinë, alkool apo të përdoren pas sforcimeve të mëdha fizike.
“Përdorimi i pakontrolluar i produkteve energjetike mund të shkaktojë hipertension, migrenë, të prishë ritmin e zemrës dhe të shkaktojë probleme me traktin tretës”. “Këto pije janë të gazuara, prandaj në doza të mëdha mund të rrisin acidin e stomakut dhe të shkaktojnë fryrje dhe diarre”, paralajmëroi dietologia.
