Në Rotterdam , një foshnjë vdiq dje pasi mbeti në një makinë të parkuar në anë të rrugës, raporton NL Times .
Një person është arrestuar në vendin e ngjarjes, tha policia. Makina Audi Q2 dyshohet se kishte regjistrime belge.
Zjarrfikëset, policia dhe mjekët kanë mbërritur në vendngjarje rreth orës 17:00, pas së cilës kanë thyer xhamin e pasëm të pasagjerit për të nxjerrë fëmijën jashtë. Në ndihmë është dërguar një helikopter mjekësor. Megjithatë, përpjekjet për të ringjallur foshnjën ishin të pasuksesshme.
Fatkeqësisht fëmija ka ndërruar jetë. Policia po heton rrethanat”, tha policia.
Temperatura e ajrit ishte rreth 20 gradë
Policia nuk ka zbuluar menjëherë se si i dyshuari ka qenë i lidhur me veturën dhe fëmijën. Ai u dërgua në komisariat, ku do të merrej në pyetje.
Në momentin që fëmija u gjet në Audi, temperatura e ajrit ishte rreth 20 gradë. Në kushte të ngjashme, temperatura në kabinën e një automjeti të mbyllur mund të rritet në 30 gradë brenda 10 minutave, 40 gradë brenda 35 minutave dhe mund të afrohet në 50 gradë pas 90 minutash.
Rreziku i goditjes nga nxehtësia fillon kur temperatura e trupit rritet mbi 39 gradë. Situata bëhet potencialisht vdekjeprurëse kur temperatura arrin 42 gradë.
