Rritja e çmimeve të energjisë dhe materialeve dhe kërkesa më e dobët shkaktuan një valë falimentimesh të kompanive të mesme dhe të mëdha në Gjermani në gjysmën e parë të vitit, raportoi gazeta e biznesit Handelsblatt. Në periudhën nga janari deri në qershor, 162 kompani me një xhiro prej më shumë se 10 milionë euro u paraqitën për falimentim, shkruan Handelsblag, duke iu referuar analizës së kompanisë konsulente për ristrukturimin e biznesit Falkensteg.
Shifra është 41 për qind më e lartë se në të njëjtën periudhë të vitit të kaluar, thekson gazeta, duke vënë në dukje se kërcimi është dukshëm më i madh se sa kishte pritur Falkensteg, duke parashikuar një rritje prej 30 për qind në fillim të vitit. Sipas Handelsblatt, shumica e kërkesave janë paraqitur nga kompanitë në sektorin e pasurive të paluajtshme, furnitorët e makinave dhe prodhuesit e makinerive.
Cilat janë arsyet?
Arsyet për shpalljen e falimentimit përfshijnë krizën pas pandemisë, inflacionin, rritjen e çmimeve të energjisë dhe materialeve dhe dobësimin e kërkesës. Ristrukturimi dhe investimet në kompanitë në dështim pengohen nga kriza globale, perspektiva e dobët për ekonominë gjermane dhe normat e larta të interesit, zbuloi Halkensteg, sipas një raporti të Handelsblatt.
Dhoma Gjermane e Industrisë dhe Tregtisë DIHK parashikoi në maj vazhdimin e trendit rritës të falimentimeve, duke vënë në dukje se ekonomia gjermane është e penguar nga probleme strukturore si mungesa e fuqisë punëtore të kualifikuar.
Në vitin 2023, 17 814 kompani deklaruan falimentim, 22,1 për qind më shumë se në vitin 2022, sipas të dhënave të zyrës statistikore Destatis.
