Presidenti turk Tajip Erdogan tha sot se NATO nuk mund të vazhdojë partneritetin e saj me administratën izraelite.
Erdogan: Derisa të vendoset paqja në Palestinë, nuk ka bashkëpunim me Izraelin
“Derisa të vendoset një paqe gjithëpërfshirëse dhe e qëndrueshme në Palestinë, Turqia nuk do të miratojë përpjekjet për të bashkëpunuar me Izraelin brenda NATO-s”, tha Erdogan në një konferencë shtypi në samitin e NATO-s.
Ai tha gjithashtu se Turqia vazhdon përpjekjet e saj diplomatike për t’i dhënë fund luftës ruso-ukrainase.
Erdogan shtoi se ai kishte urdhëruar ministrin e Jashtëm turk Hakan Fidan të takohej me presidentin sirian Bashar al-Assad për të filluar rivendosjen e marrëdhënieve me Sirinë.
Turqia “në një moment” do t’i bëjë një ftesë Asadit për bisedime të mundshme për rivendosjen e marrëdhënieve midis dy fqinjëve, tha Erdogan.
Lidhur me shitjen e avionëve F-16 në Turqi, Erdogan tha: “Kam folur me zotin Biden. Ai më tha: “Unë do ta zgjidh këtë problem për tre deri në katër javë”.
Amerikan F-16
Në mars, Senati i SHBA hodhi poshtë një përpjekje për të ndaluar shitjen prej 23 miliardë dollarësh të F-16 dhe pajisjeve të modernizimit në Turqi nga administrata e Presidentit Joe Biden pasi Turqia miratoi pranimin e Suedisë në NATO.
Erdogan tha se Turqia pret solidaritetin e aleatëve të NATO-s në luftën e saj kundër terrorizmit.
Turqia përsërit se milicia YPG është një organizatë terroriste, e lidhur ngushtë me grupin militant të Partisë së Punëtorëve të Kurdistanit (PKK). Aleatët perëndimorë të Turqisë e konsiderojnë PKK-në një grup terrorist, por jo YPG-në.
Qëllimi i Turqisë është të bëhet anëtare e përhershme dhe jo vetëm vëzhguese e Organizatës së Bashkëpunimit të Shangait (SCO), shtoi presidenti turk.
SCO është një klub sigurie, politik dhe ekonomik që u krijua në 2001 nga Rusia, Kina dhe vendet e Azisë Qendrore si një kundërpeshë ndaj aleancave perëndimore.
