Simone Inzaghi do të jetë trajner te Inter deri në vitin 2026.
Ka qenë skuadra e Milanos që ka bërë të ditur ripërtërirjen e kontratës.
“Inter ka kënaqësinë të njoftojë rinovimin e kontratës së trajnerit Simone Inzaghi. Me këtë marrëveshje të re, trajneri do të drejtojë Nerazzurrët deri në vitin 2026”, ka njoftuar klubi në një deklaratë zyrtare.
Nën drejtimin e Inzaghi, Interi ka shënuar një sezon pozitiv, duke u kurorëzuar kampione në Itali. Në edicionin e kaluar, ekipi kishte arritur deri në finalen e Champions League, ku ishte mposhtur me rezultat minimal nga Manchester City.
