Instituti i Trashëgimisë Shpirtërore dhe Kulturore të Shqiptarëve (ITShKSh) ka njoftuar se, pas nënshkrimit të memorandumit për bashkëpunim në mes të ITShKSh-së nga Shkupi dhe Institutit të Krimeve të Luftës në Kosovë, sot në Prishtinë kanë bërë hapin e parë për jetësimin e këtij bashkëpunimi.
Sipas ITShKSh-së, këto fotografi janë pjesë e hulumtimit mbi dyvjeçar, me mijëra dokumente autentike.
“Me këto duam të përcjellim edhe një porosi deri te të gjithë studiuesit dhe institucionet përkatëse që të punojnë pareshtur për dokumentimin e krimeve në Kosovë, sepse vetëm në këtë mënyrë mund të pastrojmë të kaluarën si garanci për të ardhmen”, bën me dije ITShKSh.
Me këtë rast drejtori i Institutit të Krimeve të Luftës në Kosovë, Atdhe Hetemi, shprehu falënderimet dhe konsideratat për këtë kontribut të institutit, gjithashtu bëri me dije se institucioni që ai drejton do të jetë më i begatshëm me fonde që do të ndihmojnë për identifikimin e krimeve të bëra mbi shqiptarët.
“Me një punë këmbëngulëse dhe sistematike, siç po veprojmë edhe aktualisht, do të mund të arrijmë të dokumentojmë me fakte e dëshmi autentike trajtat e gjenocidit serb në Kosovë, një detyrë kjo e ngutshme që do t’i shërbente politikës dhe diplomacisë për të iniciuar një rezolutë në OKB mbi gjenocidin në Kosovë të kryer nga Serbia”, përfundon njoftimi i ITShKSh-së.a
