Motra më e madhe e bosit të ndjerë të mafias siciliane Matteo Messina Denaro, Rosalia, është dënuar me 14 vjet burg për shoqërim të rëndë mafioz dhe marrjen e mallrave të vjedhura, u njoftua të enjten.Messina Denaro ishte njeriu më i kërkuar në Itali deri në arrestimin e tij në janar të vitit të kaluar. Ai kaloi tre dekada në arrati, gjatë të cilave u shpall fajtor për vrasje të shumta dhe vdiq nga kanceri shtatorin e kaluar.
Motra e tij Rosalia u arrestua në mars 2023 dhe u gjykua pasi prokurorët e akuzuan atë për fshehje të vëllait të saj të arratisur, menaxhimin e financave të tij dhe ndihmën e tij me botën e jashtme.
Kjo grua 69-vjeçare është dënuar me vendim të shkallës së parë në Palermo, kryeqyteti i Siçilisë. Sipas ligjit italian, një vendim mund të apelohet dy herë përpara se të marrë formë të prerë.
Ndërsa ishte në arrati, Messina Denaro ndoqi traditën mafioze të komunikimit me të afërmit dhe bashkëpunëtorët përmes “pizzini”, copa të vogla letre me porosi dhe udhëzime, ndonjëherë të shkruara me kod. Disa prej tyre policia i gjeti në shtëpinë e motrës së tij.
E mbiquajtur “U Siccu” (The Skinny), Messina Denaro ishte djali i një mafioz dhe një aleate e ngushtë e Corleonesit të udhëhequr nga Salvatore “The Beast” Riino, i cili u bë “bosi i bosëve” i padiskutueshëm i Cosa Nostra-s, shkruan Reuters.
