Ushtruesja e detyrës së drejtoreshës së përgjithshme të RTK-së, Zana Spahiu, ka bërë të ditur se bazuar në rekomandimin e zyrtarit për siguri në punë të RTK-së, këshillave të Institutit Kombëtar për Mbrojtjen e Shëndetit Publik të Kosovës, konkluzat e takimit të menaxhmentit të RTK-së të, me qëllim të parandalimit të rreziqeve të shkaktuara nga temperaturat e larta, ka marrë vendim që disa kategorive të punonjësve të këtij institucioni të punojnë me orar të shkurtuar ose nga shtëpia.
“Për shkak të vapës ekstreme, me miratimin e mbikëqyrësit të drejtpërdrejtë, të gjitha grave shtatzëna, personave me aftësi të kufizuara, punonjësve me sëmundje kronike dhe punonjësve mbi 60 vjeç u lejohet të punojnë me orar të shkurtuar ose të punojnë nga shtëpia, në varësi të nevojave të punës dhe pa e penguar procesin e punës, thuhet në këtë njoftimin.
Njoftimi i plotë:
Bazuar në rekomandimin e zyrtarit për siguri në punë të RTK-së, këshillave të Institutit Kombëtar për Mbrojtjen e Shëndetit Publik të Kosovës, konkluzat e takimit të menaxhmentit të RTK-së të datës 12.07.2024, Nenit 42 të Ligjit të Punës në Kosovë nr. 03/L-212, Nenit 7, paragrafi 1, nënparagrafi 1 i Ligjit për Sigurinë dhe Shëndetin në Punë nr. 04/L-161, Nenit 26 të Rregullores për Kompetencat dhe Përgjegjësitë, me qëllim të parandalimit të rreziqeve të shkaktuara nga temperaturat e larta, u.d. Drejtor i Përgjithshëm i RTK-së, merr:
VENDIM
Për shkak të vapës ekstreme, me miratimin e mbikëqyrësit të drejtpërdrejtë, të gjitha grave shtatzëna, personave me aftësi të kufizuara, punonjësve me sëmundje kronike dhe punonjësve mbi 60 vjeç u lejohet të punojnë me orar të shkurtuar ose të punojnë nga shtëpia, në varësi të nevojave të punës dhe pa e penguar procesin e punës.
ARSYETIM
Bazuar në rekomandimin e Zyrtarit për siguri në punë të RTK-së, këshillit të Institutit Kombëtar për Mbrojtjen e Shëndetit Publik të Kosovës, për shkak të vapës ekstreme, është kërkuar që grave shtatzëna, personave me aftësi të kufizuara, punonjësve me sëmundje kronike (kardiovaskulare, sëmundjet respiratorë dhe të diabetit) dhe punonjësve të moshës mbi 60 vjeç, t’u lejohet që të punojnë nga shtëpia ose me orare të shkurtuar. Vapa ekstreme mund të përkeqësojë gjendjen shëndetësore të atyre që përmendëm më lart. Eprorët e drejtpërdrejtë do të vendosin për llojin dhe mënyrën e lirimit të punësuarve, në përputhje me nevojat e punës, pa ndikuar në mënyrë drastike në proceset e punës së RTK-së.
U.D. Drejtor i Përgjithshëm i RTK-së, në bazë të rekomandimit të Zyrtarit për siguri në punë të RTK-së, konkluzave të takimit të menaxhmentit të RTK-së të datës 12.07.2024, këshillit të Institutit Kombëtar për Mbrojtjen e Shëndetit Publik të Kosovës, Nenit 26 të Rregullores për Kompetencat dhe Përgjegjësitë, në përputhje me Nenin 42 të Ligjit të Punës në Kosovë nr. 03/L-212, Nenin 7, paragrafi 1, nënparagrafi I i Ligjit për Sigurinë dhe Shëndetin në Punë nr. 04/L-161, merr vendim me të cilin gratë shtatzëna, personat me aftësi të kufizuara, punonjësit me sëmundje kronike dhe punonjësit mbi 60 vjeç, për shkak të vapës ekstreme, me miratimin e mbikëqyrësit të drejtpërdrejtë, u lejohet të punojnë me orar të shkurtuar ose të punojnë nga shtëpia, në varësi të nevojave të punës dhe pa e penguar procesin e punës.
Vendimi hyn në fuqi në ditën e nënshkrimit dhe vlen deri në marrjen e një vendimi tjetër. Duke u bazuar në atë që u cek më lartë është vendosur si në dispozitë të këtij vendimi. U.D. Drejtor i Përgjithshëm i RTK-së, Zana Spahiu.
