Dogana e Kosovës ka bërë të ditur se ka sekuestruar barna të kontrabanduara pa banderolë kryesisht nga Shqipëria dhe Serbia. Sipas njoftimit, vlera e mallit llogaritet të jetë 20 milionë euro.
“Njësitet Antikontrabande të Doganës së Kosovës, pas pranimit të informatës nga qytetarët për prezencën e barnave pa banderola, kanë kryer një kontroll në një barnatore dhe kanë zbuluar të fshehura 6,858 paketime të barnave të ndryshme me banderola të shteteve të huaja (Serbi dhe Shqipëri), të cilat janë kontrabanduar në Kosovë. Vlera e këtij malli llogaritet të jetë rreth 20,000.00 Euro”, thuhet në njoftim.
Dogana ka njoftuar se pasi që malli është sekuestruar dhe ndaj palës janë iniciuar procedurat kundërvajtëse. /Kosovatimes/
