Trajneri i Spanjës, Luis de la Fuente, ka shprehur besimin e tij të plotë në skuadrën e tij dhe ka theksuar se kjo finale është një ndeshje mes dy ekipeve më të mira të turneut.
Spanja dhe Anglia ndeshen te dielën ne finale te Euro 2024.
“Ne jemi me meritë të plotë në këtë finale. Kemi merituar gjithçka që kemi arritur në këtë turne pasi kemi bërë lojë të mirë dhe kemi shënuar gola. Kemi argëtuar edhe tifozët në shkallët e stadiumeve, pra kemi bërë gjithçka që i kishim vendosur vetes si qëllim përpara se të niste turneu”, ka thënë De la Fuente.
Ai gjithashtu ka theksuar se kjo arritje nuk është një surprizë për skuadrën.
“U thashë të gjithëve se do të riktheheshim në Berlin. Mendoj se finalja do të luhet mes dy skuadrave më të mira të turneut. Tani duhet të përqendrohemi dhe të mundohemi që të minimizojmë gabimet. Jemi në një moment special”, ka shtuar personi kryesor i shtabit teknik te spanjollët.
