Dhjetra palestinezë u vranë ose u plagosën në një sulm izraelit ndaj tendave në Khan Yunis sot, ku strehohen banorët e Gazës të zhvendosur, sipas zyrës së mediave të drejtuar nga Hamasi.
Ushtria izraelite tha se po studionte raportin dhe Ministria e Shëndetësisë e Gazës nuk ka publikuar ende një numër zyrtar të vdekjeve.
“Ushtria okupatore izraelite kreu një masakër të madhe duke bombarduar kampet e tendave të njerëzve të zhvendosur në Qano Yunis. Më shumë se 100 njerëz u vranë dhe u plagosën në masakrën e tmerrshme, duke përfshirë anëtarë të shërbimeve civile të emergjencës,” tha zyra e shtypit e Hamasit.
Radioja e ushtrisë izraelite njoftoi se ushtria shënjestroi komandantin ushtarak të Hamasit Mohamed Dief në sulmin ndaj Khan Yunis. Radioja ushtarake raportoi se nuk është e qartë nëse ai u vra në sulm. Një zyrtar i Hamasit tha se të gjitha viktimat ishin civilë.
