Koktej molotovi është hedhur në pastiqerinë `Sharr” në veri të Mitrovicës, por, përveç dëmeve materiale, nuk ka të lënduar.
Një lokal afarist në Mitrovicë të Veriut është sulmuar me koktej molotovi, ka bërë të ditur për mediet zëvendësdrejtori i Policisë së Kosovës për rajonin e veriut, Veton Elshani.
“Rreth orësh 03:30 ka pasur tentim për zjarrvënie në Mitrovicë të Veriut”, ka thënë Elshani, duke bërë të ditur se dëmet materiale janë të vogla. Sipas tij, ende nuk ka të dyshuar.
Elshani nuk e ka përjashtuar mundësin që vizita e ministri të Brendshëm, Xhelal Sveçla të jetë motivi i sulmit.
Ditë më parë, ministri i Punëve të Brendshme të Kosovës, Xhelal Sveçla, së bashku me ish-kryetarin e Mitrovicës së Jugut, Agim Bahtiri, kishin qëndruar në pastiçerinë që u bë cak i sulmit me koktej molotovi më 14 korrik. Pronarët e lokalit janë pjesëtarë të komunitetit goran.
