Kryeministri i Kosovës, Albin Kurti, priti në takim drejtoren e Institutit Demokratik Kombëtar (NDI) në Kosovë, Nancy Soderberg, me të cilën diskutuan rreth zhvillimeve në vend dhe në botë, rezultateve të bashkëpunimit të deritanishëm dhe përkushtimit të përbashkët në zhvillimin dhe avancimin e demokracisë.
Gjatë bashkëbisedimit, Kurti vlerësoi kontributin dhe angazhimin e vazhdueshëm të drejtoreshës së NDI-së dhe vetë NDI-së, në shumë fusha me prioritet si demokratizimi, transparenca dhe llogaridhënia institucionale.
“Progresi demokratik i shoqërisë në të gjitha sferat e jetës shoqërore, mbeten kryeqendër e vëmendjes së ndërtimit të politikave dhe zhvillimit të vendit tonë”, ka deklaruar Kurti, njofton Qeveria e Kosovës nëpërmjet një komunikate për media.
Kujtojmë se ky ishte takimi i dytë brenda këtij viti i kryeministrit Albin Kurti me drejtoreshën Soderberg. /Kosovatimes/
.jpg)
