Policia e Kosovës njofton se është në kërkim të dy personave që dyshohet se kanë kryer veprën penale vrasje në tentativë.
Në njoftim thuhet se Fitim dhe Arian Xhema nga Mitrovica janë në kërkim, derisa autoritetet ua kanë publikuar identitetin me qëllim që të bëhet e mundur lokalizimi dhe arrestimi i tyre.
Sipas policisë të dyshuarit veprën e kanë kryer më 10 korrik të këtij viti në rrugën “Evlia Qelebiu” në Mitrovicë, ku një person është plagosur me armë zjarri. /Kosovatimes/
