Kyriakos Mitsotakis u takua në Megaros Maximos me eurodeputetin e zgjedhur të Demokracisë së Re, Fredis Beleris .
“ Shpresoj që shumë shpejt të dilni përgjithmonë nga burgu , që ky kapitull i dhimbshëm të mbyllet për të gjithë ne, që të ecim përpara, të shohim përpara”, tha kryeministri duke iu drejtuar zotit Beleris.
Në të njëjtën kohë, kryeministri theksoi se Shqipëria po afrohet më shumë me Europën, për sa kohë që i përmbahet me përpikëri angazhimeve të saj europiane.
“Konsideroj se shteti ku jetojmë nuk është e vetëkuptueshme sundimi i ligjit, e drejta për të zgjedhur dhe për të qenë i zgjedhur. Dua t’i ndihmoj ”, ka qenë mesazhi i Fredis Beleris.
Kujtohet se herët në mëngjes Fredi Beleri kaloi portat e burgut me lejen pesëditore që kishte kërkuar për të shkuar në Strasburg për t’u betuar si deputet i Parlamentit Europian.
Detajisht dialogu i tyre në fillim të takimit:
Kyriakos Mitsotakis : Kam shumë arsye, i dashur Fredis, të jem i lumtur t’ju mirëpres sot në Megaro Maximos. Së pari, më lejoni t’ju përgëzoj për zgjedhjen tuaj si eurodeputet grek tani, në Bruksel dhe Strasburg, me Demokracinë e Re. Jam i sigurt se do t’i përmbushni plotësisht detyrat tuaja.
Më lejoni t’ju them se sa i lumtur jam që kjo aventurë e madhe duket se po i vjen fundi. Është e vetëkuptueshme, ju keni marrë certifikimin që të mund të ushtronit detyrat tuaja dhe të bënit betimin. Shpresoj që shumë shpejt të dilni përgjithmonë nga burgu, që ky kapitull i dhimbshëm të mbyllet për të gjithë ne, që të vazhdojmë përpara, të shohim përpara.
Fredi Beleri : President, do të doja t’ju falënderoja personalisht që më keni mbështetur gjatë gjithë kësaj kohe. Unë do të nderoj besimin që më keni dhënë duke më futur në fletën e votimit europian. Mendoj se shteti ku jetojmë nuk është e vetëkuptueshme shtet ligjor, e drejta për të zgjedhur dhe për t’u zgjedhur. Unë dua t’i ndihmoj ata. Të ndihmojë pakicën kombëtare greke të qëndrojë në shtëpitë stërgjyshore, por edhe që ky shtet të afrohet dhe të bëhet anëtar i familjes europiane.
Në orët e para të mëngjesit të sotëm, Fredi Beleri, ka lënë burgun për të shkuar në Strasburg, ku pritet të bëjë edhe betimin si eurodeputet.
Beleri ka dalë nga porta kryesore e burgut te Fierit, ku është pritur nga familjarë dhe makina e ambasadës.
Për median greke, ka pohuar se “jam i lumtur e ju falenderoj për mbështetjen që më keni dhënë per kaq muaj, të tjerat do i them në Athine”.
Ndërkohë, për median shqiptare ka thënë, se do të flasë në aeroport.
Drejtoria e Burgjeve ditën e djeshme (14 korrik) miratoi kërkesën 5-ditore për Fredi Belerin, në mënyrë që ai të kryejë betimin si deputet i Parlamentit Evropian.
Sipas njoftimi, leja e Belerit do të nisë të henën (15 korrik), kur ai do të udhëtojë drejt Francës dhe do t’i përfundojë më 20 korrik, kur do të duhet të vijojë dënimin në burgun e Fierit.
Njoftimi i plotë:
Pas kërkesës së të dënuarit Dhionisis (Alfred) Beleri për leje shpërblyese në funksion të ndjekjes së punimeve në Parlamantin Europian në datat 15-20 korrik 2024 në Strasburg, referuar Urdhërit të Drejtorit të Përgjithshëm nr. 733 prot, datë 04.06.2024 “Për përbërjen dhe funksionimin e Bordit të Monitorimit të dhënies së lejes shpërblyese dhe të veçanta për të burgosurit në IEVP” është dhënë leje shpërblyese për të dënuarin Dhionisis (Alfred) Beleri nga data 15 korrik deri në 20 korrik 2024.
Pas përfundimit të lejes pesë ditore, i dënuari Alfred Beleri do të kthehet në burgun e Fierit për të vazhduar kryerjen e dënimit, sipas vendimit të GJKKO.
