Santa Coloma ka arritur të kualifikohet në raundin e dytë të Champions League pasi ka mposhtur Ballkanin pas penalltive me rezultat 6-5.
Ndeshja e zhvilluar në stadiumin “Zahir Pajaziti” në Podujevë ka përfunduar me rezultat 1-0 në favor të skuadrës nga Andorra gjatë kohës së rregullt.
Në minutën e tetëdhjetë e katërt, një gabim i Hamidit, i cili ka shënuar një autogol, i ka dhënë avantazhin Santa Coloma. Me ndeshjen e parë të fituar nga Ballkani me rezultat 2-1, rezultati i përgjithshëm ishte 2-2, duke e çuar ndeshjen në vazhdime.
Në pjesën e parë të vazhdimeve, Santa Coloma ka kaluar në epërsi me një gol të shënuar nga De Jesus në minutën e 102-të. Mirëpo, në minutën e 109-të, sulmuesi i Ballkanit Walid Halimi, i cili kishte shënuar autogol më parë, ka realizuar një gol që ka ngushtuar rezultatin në 2-1 në favor të Santa Coloma-s, duke mbajtur gjallë shpresat e Ballkanit për kualifikim.
Ndeshja ka përfunduar në barazim, duke çuar në gjuajtjen e penalltive. Në këtë fazë, futbollistët e Santa Coloma janë treguar më të saktë, duke fituar 6-5 dhe duke siguruar kualifikimin në raundin e dytë të Champions League.
Shënon Ballkani, ndeshja drejt penalltive
Walid Hamidi e ka përmirësuar gabimin.
Futbollisti i cili kishte shënuar një autogol në kohën e rregullt, ka shënuar gol në portën e Santa Coloma, duke mbajtur gjallë shpresat e Ballkanit për kualifikim.
Në minutën e 109-të, sulmuesi i Ballkanit ka realizuar golin që ka ngushtuar rezultatin në 2-1 në favor të Santa Colomas.
Ky rezultat, i cili aktualisht është 2-1 për skuadrën nga Andorra, e çon ndeshjen drejt penalltive, pasi Ballkani kishte fituar ndeshjen e parë në Andorra me rezultat të njëjtë 2-1.
Santa Coloma shënon prapë, Ballkani drejt eliminimit
Santa Coloma ka kaluar në epërsi në pjesën e parë të vazhdimeve në ndeshjen me Ballkanin. Goli është shënuar në minutën e 102-të nga De Jesus.
Pas këtij goli, skuadra mysafire po shkon drejt kualifikimit, ndërsa Ballkani mund të eliminohet. Megjithatë, mbetet ende për t’u luajtur edhe një pjesë prej pesëmbëdhjetë minutave, ku Ballkani duhet të bëjë të pamundurën për të përmbysur rezultatin dhe për të mbajtur gjallë shpresat për kualifikim.
Ballkani befasohet nga Santa Coloma, ndeshja shkon në vazhdime
Një moment dekoncentrimi i Ballkanit ka rezultuar fatkeq, duke i dhënë mundësinë Santa Colomas të shënojë në kohën shtesë.
Skuadra nga Andorra ka arritur të fitojë ndeshjen e dytë të luajtur në stadiumin “Zahir Pajaziti” në Podujevë me rezultat minimal. Meqenëse Ballkani kishte fituar ndeshjen e parë 2-1, rezultati agregat 2-2 e ka çuar ndeshjen e sotme në vazhdime.
Dyzet e pesë minutat e para janë dominuar nga skuadra kampione e Kosovës. Në minutën e shtatë, Santa Coloma pati fat kur Adetunji është gjetur vetëm përballë portierit pas një pasimi nga Tolaj, por gjuajtja e tij nuk e ka gjetur portën.
Situata është komplikuar për Ballkanin në minutën e tridhjetë e shtatë, kur Adetunji është ndëshkuar me karton të kuq për një goditje në fytyrë ndaj një lojtari kundërshtar, duke lënë skuadrën me dhjetë lojtarë në fushë.
Pjesa e dytë ishte më e balancuar, veçanërisht pas daljes me karton të kuq të Adetunjit, gjë që ka bërë që skuadra e drejtuar nga Ilir Daja të përqendrohej më shumë në mbrojtje sesa në sulm.
Kur dukej se Ballkani ishte kualifikuar, ka ndodhur një gabim i Hamidit, i cili ka shënuar një autogol, duke bërë që ndeshja të mbyllet me fitoren e skuadrës mysafire.
