Agjencia e Shërbimeve të Navigacionit Ajror ka paralajmëruar se do të ketë rënie të lehtë të temperaturave dhe stuhi me rrebeshe shiu e breshëri.
Agjencia e Shërbimeve të Navigacionit Ajror ka njoftuar se temperaturat maksimale në vendin tonë do të lëvizin në mes 28°C deri në 33 gradë Celsius, ndërsa minimalet do të luhaten ndërmjet 17 deri në 22 gradë Celsius.
Sipas njoftimit, vala e të nxehtit që ka hyrë tashmë në ditën e dhjetë, ka shënuar rekorde në parametrat matës si në temperaturat minimale që janë regjistruar madje mbi 30 gradë Celsius, në vendet fqinje, e po ashtu me maksimalet ekstreme që janë shënuar deri në 43 gradë Celsius.
“Që nga e mërkura pasdite e deri të shtunën, në një situatë kur kemi temperatura shumë të larta në përplasje me një valë rrymimesh ajrore më të ftohta, do të kemi zhvillime stuhish të përcjella me rrebeshe shiu, vende vende edhe breshëri dhe erërash të fuqishme që do të ndikojnë në një rënie prej 3 – 5°C të temperaturave maksimale, e që do të na shoqërojnë deri në mesin e javës së ardhshme”, thuhet në njoftim. /Kosovatimes/
