Policia e stacionit në Kaçanik, me datën 17 korrik, rreth orës 15:30 në fshatin Sllatinë ka ndaluar një person me një automjet furgon që po transportonte ilegalisht drunj nga Malet e Sharrit, drejt qytetit.
“Policia i ka marrë veprimet e nevojshme, ka konfiskuar furgonin për dokumentacion të parregullt, ndërsa ka njoftuar edhe zyrtarët e Parkut Kombëtar “Sharri”, të cilët kanë dalë në vendin e ngjarjes dhe kanë shqiptuar fletëparaqitje ndaj personit për transport ilegal, ndërsa kanë konfiskuar edhe sasinë e drunjve, rreth 7 kubik”, thuhet në njoftim.
Policia Rajonale e Ferizajt po bënë përpjekje të vazhdueshme në bashkëpunim edhe me rojet e pyjeve në parandalim të prerjes, transportit dhe shitjes ilagele të drunjve, thuhet në njoftim.
Policia po ashtu fton qytetarët për bashkëpunim, nëse kanë informacione rreth prerjes, transportit apo shitjes ilegale të drunjve, të njoftojnë menjëherë policinë.
