Të dielën fillon Festivali Ndërkombëtar i Teatrit në Ambient të Hapur “Prizrenfest”.
“Prizrenfest” edhe në edicionin e tij të tretë sjellë magjinë e artit e në veçanti të teatrit. “Festivali Ndërkombëtar i Teatrit në Ambient të Hapur- PrizrenFest”, i vetmi i tillë jo vetëm në Kosovë, fillon më datën 21.07 deri më 28.07 dhe sjellë shfaqje të shumta me trupa teatrore nga më të mirat që vijnë nga shumë vende siç janë Shqipëria, Maqedonia e Veriut, Franca, Bullgaria, Italia, Irani, Greqia, Bosna dhe Hercegovina, Çekia, Spanja, Sllovenia dhe Kosova.
“Shfaqje për të gjitha grup moshat, “Prizrenfest”këtë vit ka menduar edhe për më të vegjlit ku nga data 22.07 deri më datën 26.07 çdo natë ka shfaqje për fëmijë. Përpos shfaqjeve të shumta “Prizrenfest” edhe këtë vit organizon konferenca me tema të rëndësishme për artin, punëtori të ndryshme me ekspertë të specializuar të artit. Promovimi i trashëgimisë kulturore të Prizrenit është pjesë e pandashme e festivalit, nisur nga fakti se të gjitha shfaqjet jepen në ambientet e aseteve të trashëgimisë kulturore të Prizrenit”, thuhet në njoftim.
