Fondi i Kosovës për Efiçiencë të Energjisë ka njoftuar se ka hapur zyrën rajonale në Mitrovicën e Veriut. Kjo zyrë rajonale fillon operacionet formale me një mision për të siguruar që të gjithë qytetarët e Republikës së Kosovës të përfitojnë nga investimet në masat e efiçiencës së energjisë.
Sipas njoftimit, prania e kësaj zyre në Mitrovicën e Veriut shfaq përkushtimin institucional të FKEE-së që të promovojë përfshirje të lartë dhe qasje për të gjithë qytetarët.
Kjo zyrë do të shërbejë si ‘one-stop shop’ për të gjithë qytetarët e komunave në rajonin e Mitrovicës.
Në të do të ofrohet mbështetje teknike, këshillime dhe udhëzime lidhur me çështje të ndërlidhura me efiçiencën e energjisë në sektorin publik, sektorin e banimit dhe sektorin e biznesit. /Kosovatimes/
