Katër vite pasi u emërua komisar teknik i Danimarkës, Kasper Hjulmand, ka vendosur që të bëjë një hap pas. Federata Daneze e Futbollit ka bërë me dije se ky ishte vullneti i teknikut, i cili u paraqit mjaft mirë me të zgjedhurit e tij në “Euro 2024”.
Marrëveshja për ndërprerjen e kontratës u arrit pasi u bë bilanci i pjesëmarrjes në Gjermani 2024. Danimarka humbi me Gjermania 0-2 në raundin e 1/8-ave.
Morten Wieghorst do të jetë trajner i përkohshëm deri në fund të vitit. “Ishte një nder dhe privilegj i jashtëzakonshëm të drejtoja ekipin tonë kombëtar për katër vjet. Unë dhashë gjithçka që kisha për të arritur sukses dhe për t’i bërë njerëzit të bashkohen rreth ekipit.
Të përfaqësosh vendin tonë, është gjëja më fantastike që mund të imagjinoj dhe do t’i kujtoj këto kohë fantastike”, tha Kasper Hjulmand.
