Ka vazhduar edhe të dielën spektakli i garave të automobilizmit në Veternik, ku u mbajt gara e dytë në disiplinën drift.
Njëjtë sikur të shtunën, gara ishte me shumë rivalitet, adrenalinë e atraktivitet. Të dielën më i miri doli Fidan Kalludra me 120 pikë, i cili një ditë më parë u rendit i treti. Në pozitën e dytë sërish u rendit Odeas Kuqi (100 pikë), ndërsa pozita e tretë i takoi Bunjamin Rexhepit (85 pikë), i cili të shtunën doli i pari. Pas tyre u renditën: Irgys Cela, Erlon Hysa, Ersen Kurti, Çlirim Bajraktari, Eron Dema, Arbër Bela, Klodian Rusi e Endrit Ramuka, njofton Federata e Autosporteve të Kosovës.
