Aston Villa ka bërë një përforcim në mesfushë duke nënshkruar me Amadou Onana, futbollistin e Everton.
Lajmi është konfirmuar të hënën nga të dy klubet, megjithëse detajet financiare të marrëveshjes nuk janë zbuluar zyrtarisht.
Sipas mediave britanike, transferimi i Onana vlerësohet të jetë rreth 50 milionë funte.
Onana kishte filluar karrierën e tij në skuadrën gjermane Hamburg përpara se të kalonte te Lille në Ligue 1 në vitin 2021. Në vitin 2022, ai i ishte bashkuar Evertonit, duke bërë shtatëdhjetë e pesë paraqitje.
Në edicionin e fundit Aston Villa kishte përfunduar e katërta në premier League.
