Qytetarët që jetojnë në veri të vendit, tani e tutje do ta kenë mundësinë që drejtpërdrejt të marrin shërbime nga Fondi i Kosovës për Efiçiencë të Energjisë. Kjo pasi me hapjen e zyrës rajonale, ky fond ka nisur punën të hënën.
Në Mitrovicë të Veriut zyrtarisht të hënën ka filluar puna në Fondin e Kosovës për Efiçiencë të Energjisë.
Në këtë zyrë rajonale do të ofrohen mbështetje teknike, këshillime e udhëzime lidhur me çështjet që ndërlidhen me efiçiencën e energjisë në sektorin publik, atë të banimit e të biznesit.
Banorët e veriut do të kenë qasje në projektet që realizon ky institucion, po ashtu edhe në subvencionet që ndahen.
Në kuadër të masave të zbatimit të efiçiencës së energjisë, gjatë vitit të kaluar ekzekutivi pati ndarë 10 milionë euro.
