Policia Rajonale e Ferizajt ka publikuar raportin e aktiviteteve, të cilat sipas tyre i kanë ndërmarrë në identifikimin e kundërvajtësve të ndryshëm në komunikacion, me qëllim parandalimin e aksidenteve.
Me anë të një shkrimi në rrjetin social “Facebook”, Policia e Kosovës njofton se janë raportuar 53 aksidente, ku 19 prej tyre kanë qenë me lëndime, ndërsa persona të lënduar kanë qenë 32 persona.
“Janë raportuar 53 aksidente, prej tyre: aksidente me lëndime-19, persona të lënduar-32, aksidente me dëme materiale-34”, raporton Policia e Kosovës.
Tutje, Policia e Kosovës njofton se nga data 15 deri më 21 korrik ka shqiptuar 1694 gjoba kundëvajtëse dhe ka hequr 13 patentë shoferë.
“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor. Ndërsa, ftojmë qytetarët që të bashkëpunojnë më policinë”, thuhet ndër të tjerash në raportin e policisë. /Kosovatimes/
