Policia e Kosovës ka njoftuar se një qytetar të dielën e ka dërguar në stacionin policor në Pejë një çantë dhe një kuletë me të holla, të cilën ai e kishte gjetur në rrugën “Vllazëria Tabaku” në këtë qytet.
“Me datën 21.07.2024, në Stacionin Policor në Pejë, ka ardhur qytetari F.S. i cili ka sjellë një kuletë të cilën e kishte gjetur në rrugën ‘Vllazёria Tabaku’ në Pejë”, thuhet në njoftimin e Policisë së Kosovës.
“Në kuletë kishte të holla dhe dokumente personale: Treqind e tridhjetë e pesë euro e njëzetë pesë cent (335.25); Njëzet (20) dollarë amerikanë; Kartela bankare; Dokumente personale”, thuhet në njoftim.
Policia tha se “të gjitha gjërat e lartcekura i janë kthyer qytetares”. /Kosovatimes/
