Një aksident trafiku ka ndodhur në Gjakovë ku është përfshirë vetura e policisë dhe një veturë tjetër. Në aksident janë lënduar tre persona, dy zyrtarë policorë dhe një qytetar.
Rasti ka ndodhur kur një familjar po transportonte me veturë një viktimë që dyshohet se është vetëvrarë dhe ishte në përcjellje nga policia. Rrugës të dy veturat janë aksidentuar mes vete.
“Sot policia ju ka përgjigjur një rasti ku një familjar me veturë ishte duke transportuar një viktimë e cila dyshohej se ishte vetëvrarë. Në përcjellje e sipër në rrugën “Gaspër Karaqi” në Gjakovë, janë aksidentuar vetura e policisë dhe vetura që bënte transportin e viktimës.
Deri më tani tre persona kanë kërkuar ndihmë mjekësore (dy zyrtarë policorë dhe një qytetar). Lidhur me rastin është njoftuar edhe IPK, në koordinim me të cilët do vazhdohet me procedim të rastit”, ka njoftuar zëdhënësi i policisë Rajonale të Gjakovës, Sheremet Elezaj.
