Ambasada e Shteteve të Bashkuara të Amerikës (SHBA) është e shqetësuar për, siç thanë ata, përfshirjen në Qeveri të partive dhe liderëve që nuk e dënojnë agresionin rus kundër Ukrainës, janë kundër sanksioneve të Bashkimit Evropian (BE) kundër Rusisë dhe të të cilëve veprimet janë në kundërshtim me parimin e marrëdhënieve të mira fqinjësore.
Kuvendi në seancën e sotme ka përkrahur rindërtimin e Qeverisë së Milojko Spajiqit, në të cilën janë përfshirë Demokracia e Re Serbe, Partia Popullore Demokratike dhe Partia Boshnjake.
Ambasada i tha Pobjedës se mbështesin një qeveri të përkushtuar për anëtarësimin në BE, respektimin e vlerave euroatlantike dhe pjesëmarrjen e plotë në NATO, dhe që pasqyron përbërjen multikulturore të Malit të Zi.
“Ne jemi të shqetësuar për përfshirjen në qeveri të partive dhe liderëve që nuk dënojnë agresionin rus kundër Ukrainës, kundërshtojnë sanksionet e Bashkimit Evropian kundër Rusisë dhe veprimet e të cilëve janë në kundërshtim të drejtpërdrejtë me parimin e marrëdhënieve të fqinjësisë së mirë”, thuhet në njoftimin e Ambasadës. .
Ata i bënë thirrje Qeverisë dhe deputetëve në Kuvend që të qëndrojnë të fokusuar në qëllimin e përbashkët të anëtarësimit në BE dhe të shmangin çështjet kundërproduktive që kërcënojnë atë qëllim dhe shkaktojnë përçarje.
