Shkruan: Refik HASANI
Më datën 5 korrik, Këshilli i Lartë Gjyqësor i Serbisë, ka nxjerrë vendim, për zgjedhjen e dy gjyqtarëve të përkatësisë nacionale Serbe për Gjykatën Themelore në Bujanoc.
Në këtë Gjykatë janë vetëm dy Gjykatës nga përkatësia nacionale Shqiptare, kurse gjithë Gjyqtarët tjerë janë nga përkatësia Serbe, edhe pse Komuna e Bujanocit, është me shumicë Shqiptare, edhe sipas regjistrimit të fundit.
Në letër edhe Kushtetuta e Serbisë e ndalon diskriminimin, duke përfshi edhe Ligji për gjykatës, ku cekët, se:
“Gjatë propozimit për zgjedhjen e gjyqtarit dhe gjatë zgjedhjes së gjyqtarit është i ndaluar diskriminimi në çdo formë”.
Jo vetëm në Bujanoc, por edhe në Preshevë e Medvegjë, nuk ka përfaqësim, jo vetëm në Gjykata, por edhe në Prokurori Themelore, ky është në vazhdën e diskriminimit, është demotivim kur kemi kuadro që i plotësojnë kushtet, është për të mbytur vullnetin e shfaqur për Gjykatës shqiptarë, gjithë ato që i kanë plotësuar kushtet nuk mbetët tjetër vetëm të migrojnë, sepse ka diskriminim gjithandej.
Diskriminimi në Polici-zinxhirin Komandues, në përfaqësim në institucione Lokale dhe Qendrore të Republikës së Serbisë, në përdorimin e Gjuhës Shqipe, të Simbolit Kombëtarë, Shëndetësi, Administratë Tatimore, ka diskriminim edhe në kulturë, në informim, në investime të zhvillimin ekonomik, diskriminimi edhe në pasivizimin e adresave-një pastrim etnik i heshtur.
Shqiptarët, në Serbi jetojnë në kushte pushtimi klasik, duke ju ekspozuar frikës, urrejtjes, militarizimit, nën tendenca të vazhdueshme për shpërngulje e asimilim.
