Zyrtarët turq kanë njoftuar se kanë arrestuar personin i cili dyshohet të ketë vendosur një mjet shpërthyes në veturën e një oficeri të Inteligjencës ushtarake ruse, në Moskë.
Ministria e Brendshme e Turqisë ka publikuar pamjet në të cilat shihet arrestimi i personit, i cili dyshohet të ketë vendosur një mjet shpërthyes në veturën e një oficeri të Inteligjencës ushtarake ruse, në Moskë.
Fillimisht mediumet ruse raportuan se një mjet shpërthyes, i cili ishte vendosur në një veturë, në Moskë ka plagosur Andrei Torgashov-in, oficer i inteligjencës, i cili ka të bëjë me luftën në Ukrainë dhe gruan e tij. Por, pak më vonë, Torgashov u paraqit duke thënë se, as ai, as gruaja e tij, nuk ishin lënduar, porse viktima ka qenë dikush tjetër që mbanë të njëjtin emër.
Pak më vonë mediumet ruse konfirmuan se një prej personave të plagosur me të vërtetë është oficer i inteligjencës, por pa dhënë detaje tjera.
Disa orë më vonë, Interpoli rus publikoi urdhër arrest për Evegeny Serebryakov, shtetas i Rusisë, i cili në orët e mbrëmjes, u arrestua në një bodrum të Turqisë.
Zyrtarët në Moskë kanë thënë se nuk do të komentojnë rreth motiveve të Serebryakov para se ta intervistojnë atë.
