Policia e Kosovës ka njoftuar se një grua e ka raportuar në Polici personin që i ka dhënë drogë djalit të saj të mitur në lagjen “Hajvali” të Prishtinës.
Sipas raportit 24-orësh të Policisë, i dyshuari është arrestuar dhe dërguar në mbajtje.
Ai dyshohet se e ka marrë me veturë djalin e mitur dhe i ka dhënë substanca narkotike.
Viktima ka pranuar tretman mjekësor.
”Ankuesja femër kosovare, ka raportuar se i dyshuari mashkull kosovar, e kishte marr me veturën e tij djalin e saj viktimën mashkull kosovar të mitur dhe i kishte dhënë për të konsumuar substancë narkotike. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raportin e Policisë.
