Malisheva ka njoftuar se ka ndarë rrugët me trajnerin Qëndrim Kida.
Malisheva, e cila në edicionin e kaluar ka përfunduar në vendin e katërt në tabelën e Superligës së Kosovës, nuk ia ka arritur ta kalojë rrethin e parë në Conference League.
“Pas një periudhe të shkëlqyeshme bashkëpunimi, klubi dhe kryetrajneri Qëndrim Kida, me rastin e përfundimit të kontratës së trajnerit, ndajnë rrugët. Dëshirojmë të shprehim mirënjohjen tonë për përkushtimin, profesionalizmin dhe mbështetjen që na keni ofruar gjatë kësaj kohe. Ju urojmë suksese të mëtejshme në çdo hap të karrierës suaj dhe shpresojmë që të kemi mundësinë të bashkëpunojmë përsëri në të ardhmen. Faleminderit për gjithçka që keni bërë!”, ka njoftuar Malisheva.
Ndërkohë, ka zëra se Malisheva ka arritur marrëveshje me trajnerin Bekim Isufi, por deri tani nuk ka asgjë zyrtare. /Kosovatimes/
