Policia e Kosovës ka njoftuar se një grua ka vdekur në Spitalin e Pejës të enjten.
Sipas policisë, viktima ishte dërguar nga Qendra Kryesore e Mjekësisë Familjare e Klinës në gjendje të rëndë dhe me vendim të prokurorit trupi i pajetë i viktimës është dërguar në Institutin e Mjekësisë Ligjore për obduksion.
“Klinë / 25.07.2024 – 16:10. Nga Spitali i Pejës është informuar se viktima femër kosovare, e cila ishte sjellë nga QKMF Klinë në gjendje të rëndë shëndetësore, ka vdekur. Me vendim të prokurorit trupi i pajetë i viktimës është dërguar në IML për obduksion. Rasti nën hetime”, thuhet në raportin 24-orësh të Policisë së Kosovës.
Policia rastin e ka cilësuar “Hetim i vdekjes”.
