Distria Krasniqi do të përballet në finale të Lojërave Olimpike Paris 2024 me xhudisten nga Uzbekistani, Diyora Keldiyorova.
Keldiyorova ka arritur në finale pas një fitore në gjysmëfinale kundër xhudistes franceze, Amandine Buchard.
Kush është kundërshtarja e Krasniqit?
Diyora Keldiyorova, e lindur në vitin 1998, është fituese e medaljes së argjendtë në kategorinë deri në 52 kg për femra në Kampionatin Botëror të Xhudos 2023 të mbajtur në Doha, Katar.
Ndërsa Keldiyorova ka fituar medaljen e artë në Kampionatin Aziatik-Paqësor të Xhudos 2019 të mbajtur në Fujairah, Emiratet e Bashkuara Arabe.
Krasniqi ka mposhtur me “Golden score” xhudisten italiane, Odette Giufrida, në gjysmëfinale, duke e siguruar kështu vendin në finale.
