Xhudistja kosovare Laura Fazliu është vetëm një fitore larg ta sigurojë medaljen e parë olimpike në karrierë, pasi e mundi kanadezen Catherine Beauchemin-Pinardin në përballjen e parë në repesazh të martën.
Ajo tani do ta zhvillojë një luftë të fundit për medaljen e bronztë në Lojërat Olimpike Parisi 2024, në kategorinë deri në 63 kilogramë.
Kjo është hera e parë që Laura, 23-vjeçare, merr pjesë në Lojërat Olimpike.
Kosova këtë herë përfaqësohet në Olimpiadë me nëntë atletë – në sporte si xhudo, not, atletikë dhe boks.
Distria Krasniqi ka siguruar medalje të argjendtë, ndërsa katër atletë tjerë, Adell Shaboviq, Nora Gjakova, Akil Gjakova dhe Donjeta Sadiku kanë përfunduar garat pa çmime.
Në total, Kosova i ka tri medalja të arta dhe një të argjendtë.
Majlinda Kelmendi ka qenë e para që ia ka siguruar Kosovës medaljen e artë në Rio 2016, të mbajtur në Brazil.
