Ministria e Punëve të Jashtme dhe Diasporës, ka organizuar festën “FALEMINDERIT MËRGATË” në kuadër të 25-vjetorit të çlirimit të Kosovës.
Aktivitetet kanë filluar nga ora 10:00, ku qytetarët kanë pasur rastin të jenë pjesë e këndeve të shumta të vendosura në sheshin “Skënderbeu” përmes të cilave janë promovuar produkte vendore, turizmi, kultura, teknologjia si dhe këndi ku qytetarët nga diaspora kanë pasur mundësi të regjistrohen.
Aktivitetet tërë ditore po përmbyllen me koncertin “FALEMINDERIT MËRGATË”. Artistët që po përformojnë në këtë koncert janë: Dafina Zeqiri, Ardian Bujupi, Luiz Ejlli, Mc Kresha, Lyrical Son dhe Fisnikët.
