Struga kampione nga Maqedonia e Veriut është eliminuar në mënyrë dramatike në turin e dytë eliminator të Conference League, pasi një gol i shënuar nga Pyunik Yerevan pas minutës së pestë shtesë.
Ndeshja e zhvilluar të martën ka përfunduar me rezultat 3-1 në favor të Pyunik.
Skuadra e trajnerit Qatip Osmani kishte udhëtuar drejt Armenisë me një epërsi të lehtë prej 2:1 nga ndeshja e parë e luajtur në Ohër, por Pyunik është treguar i rrezikshëm në fushën e vet.
Gjatë pjesës së parë janë shënuar tre gola. Pyunik ka realizuar dy herë përmes Deble dhe Kovalenko, ndërsa Struga ka gjetur rrjetën përmes Besart Ibraimit.
Kur të gjithë kanë menduar se ndeshja do të shkonte në vazhdime, Pyunik ka ndëshkuar Strugën në minutën e pestë të kohës shtesë. Kovalenko, autori i golit të dytë, ka shënuar sërish duke siguruar fitoren për ekipin e tij dhe eliminimin e Strugës.
