Carlos Alcaraz dhe Rafael Nadal, dy nga emrat më të mëdhenj të tenisit spanjoll, janë eliminuar nga garat çift në Lojërat Olimpike, pasi nuk arritën të triumfojnë kundër amerikanëve Austin Krajicek dhe Rajeev Ram.
Dyshja “Nadalcaraz” humbi në dy sete, duke arritur të fitojnë vetëm 6 ‘games’ në total – dy në setin e parë dhe katër në të dytin.
Nadal, ylli legjendar spanjoll, është eliminuar edhe nga garat teke, ndërsa Alcaraz, fituesi i fundit i Wimbledonit, vazhdon të mbetet në garë pas fitores 2-0 në sete kundër rusit Roman Safiullin, 6-4 dhe 6-2.
Për Nadalin, kjo mund të shënojë fundin e një epoke, duke hapur diskutimin për një tërheqje të mundshme nga tenisi profesionist, duke mbetur një prej legjendave të pashlyeshme të sportit të bardhë. /Kosovatimes/
