IZRAEL thotë se nisi një sulm në Bejrut, kryeqytetin e Libanit, dhe se objektivi i sulmit ishte një komandant i Hezbollahut. Ai akuzohet për një sulm vdekjeprurës në Lartësitë Golan, të cilat janë nën pushtimin izraelit.
Forcat e Mbrojtjes së Izraelit (IDF) thanë se kryen një sulm të synuar në Bejrut kundër komandantit përgjegjës për vrasjen e fëmijëve në Majdal Shams dhe një sërë civilësh të tjerë izraelitë.
Njoftimi i IDF erdhi menjëherë pasi agjencia televizive Al Manar e drejtuar nga Hezbollahu raportoi për një shpërthim të fuqishëm në periferitë jugore të kryeqytetit libanez.
Zona është një bastion i grupeve militante të mbështetur nga Irani.
