Presidenca e Kosovës ka denoncuar, ato që i ka cilësuar si shkelje të praktikave ndërkombëtare dhe Konventën e Vjenës për Marrëdhënie Diplomatike, duke thënë se gjatë 1 gushtit, presidentes Vjosa Osmani, është penguar në Aeroportin e Shkupit.
Lidhur me këtë ngjarje ka reaguar ish-ministri i Jashtëm i Maqedonisë së Veriut, Bujar Osmani, i cili tha se dënon “veprimet e papranueshme” që kanë ndodhur në Shkup.
“Si ish-Ministër i Jashtëm i Maqedonisë së Veriut, dënoj fuqimisht veprimin e papranueshëm dhe skandaloz që ndodhi sot në Aeroportin e Shkupit ndaj Presidentes së Kosovës, Vjosa Osmani”, ka shkruar Osmani
Ai ka thënë se, ky incident tregon qartë paaftësinë dhe papërgjegjshmërinë e përfaqësuesve të paligjshëm shqiptarë në qeveri.
“Kërkoj përgjegjësi të menjëhershme nga uzurpuesit e përfaqësimit shqiptar në qeveri dhe insistoj në mbajtjen përgjegjës të atyre që janë shkaktarë të kësaj situate të turpshme”, ka shkruar Osmani në profilin e tij në facebook. /Kosovatimes/
