Qeveria gjermane njoftoi sot se “nuk ishte një vendim i lehtë” për të liruar Vadim Krasikov, një rus që u dënua për vrasjen e një ish-militani çeçen në Berlin në vitin 2019, si pjesë e një shkëmbimi të të burgosurve.
Krasikov ishte në mesin e rusëve të liruar nga Perëndimi në këmbim të 15 personave të burgosur “padrejtësisht” në Rusi dhe një gjermani të dënuar me vdekje në Bjellorusi, tha qeveria gjermane në një deklaratë, transmeton Reuters.
Presidenti rus Vladimir Putin la të kuptohet në shkurt se do të lironte reporterin e Wall Street Journal Evan Gershkovich në këmbim të Krasikov.
