Ushtria izraelite ka thënë se komandanti i lartë ushtarak i Hamasit, Mohammed Deif, u vra në një sulm ajror izraelit në Gazën jugore më 13 korrik.
“Tani mund të konfirmojmë: Mohammed Deif u eliminua”, pohoi ushtria izraelite të enjten, raporton Al Jazeera.
Ministri izraelit i Mbrojtjes, Yoav Gallant e përshëndeti këtë lajm si “një moment historik të rëndësishëm në procesin e çmontimit të Hamasit si një autoritet ushtarak dhe qeverisës në Gaza”.
“Terroristët e Hamasit ose mund të dorëzohen ose do të eliminohen. Institucioni mbrojtës i Izraelit do t’i ndjekë terroristët e Hamasit – si planifikuesit ashtu edhe autorët e masakrës. Ne nuk do të pushojmë derisa të realizohet ky mision”, ka shkruar ai në X.
Deif ishte një nga themeluesit e krahut ushtarak të Hamasit, Brigadave Qassam, në vitet 1990 dhe udhëhoqi këtë forcë për më shumë se 20 vjet.
