Pos Kombëtares U18 të hendbollisteve edhe Kombëtarja U18 e djemve është në vlugun e përgatitjeve.
Nën drejtimin e selektorit Bujar Qerimi, trajnerëve Tonçi Drushkoviq e Fatmir Muhaxheri, Dardanët e rinj po ushtrojnë me përkushtim që të përgatiten sa më mirë për Evropian.
“Pikërisht në vendin tonë organizohet Kampionati Evropian U18 për hendbollistë. Kampionati (B) për hendbollistët deri në 18 vjet mbahet prej 12 deri më 18 gusht në Prishtinë”, thuhet në njoftimin e Federatës së Hendbollit të Kosovës.
Sipas këtij njoftimi, pjesë e këtij eventi do të jenë shtatë ekipe kombëtare: Kosova, Azerbajxhani, Bullgaria, Britania e Madhe, Luksemburgu, Belgjika e Gjeorgjia.
