Prokuroria Themelore në Prishtinë njofton për një rast të rëndë dhune në familje në Graçanicë, ku një grua ka ndërruar jetë si pasojë e lëndimeve të rënda trupore.
Fillimisht, rasti ishte klasifikuar si “Dhunë në familje” dhe “Lëndim i rëndë trupor”, por pas vdekjes së viktimës, është ri-kualifikuar si “Vrasje e rëndë” sipas Kodit Penal të Republikës së Kosovës (KPRK).
Prokuroria ka lëshuar një urdhër për autopsi dhe ka kërkuar caktimin e masës së paraburgimit për të dyshuarin, i cili është ndaluar për 48 orë.
Hetimet po vazhdojnë në bashkëpunim të ngushtë me policinë dhe njësitë relevante. /Kosovatimes/
