Grupi për Siguri dhe Barazi Gjinore (GSBGj) reagoi të martën kundër vrasjes së M.ZH të supozuar nga bashkëshorti i saj, në fshatin Gushtericë më 2 gusht 2024 në komunën e Graçanicës, si dhe tentim vrasjen e gruas që ka ndodhur mëngjesin e sotëm në Bresje të Komunës së Fushë Kosovës.
Në përputhje me kornizën ligjore dhe parimet e përshkruara në Konventën e Stambollit, GSBGj këmbëngul që institucionet përkatëse të kryejnë një hetim gjithëpërfshirës dhe të kujdesshëm për rrethanat tragjike që çuan në vdekjen dhe tentim vrasjen e një gruaje brenda pak ditësh.
Sipas kësaj organizate, institucionet duhet të marrin masa parandaluese për të mbështetur viktimën që që ka ndodhur mëngjesin e sotëm në Bresje.
“GSBGj shpreh indinjatën për numrin e jetëve të grave të humbura në Kosovë nga dhuna e ushtruar nga partnerët ose ish-partnerët e tyre. Femicidet, apo vrasjet e grave lidhur me gjininë, janë manifestimi më brutal dhe më ekstrem i dhunës së vazhdueshme ndaj grave dhe vajzave. Ajo është e rrënjosur thellë në dhe një manifestim i disbalancave të pushtetit në shoqëri, i cili promovon një status të pabarabartë për burrat dhe gratë”, thuhet në reagimn.
Duke pranuar progresin e bërë në kornizat legjislative dhe të politikave kundër dhunës me bazë gjinore, sipas GSBGJ-së, është thellësisht shqetësuese që gratë në Kosovë mbeten kaq të cenueshme ndaj këtyre abuzimeve të të drejtave të njeriut.
“GSG-ja mbetet e përkushtuar për të mbështetur institucionet e Kosovës pasi ato përpiqen të forcojnë kapacitetet e tyre në betejën e vazhdueshme kundër dhunës që ka në shënjestër gratë”, thuhet më tej në reagim.
Kjo organizatë kërkon nga institucionet përgjegjëse që për incidentet e tilla të ndiqen penalisht në masën maksimale të ligjit në fuqi sipas Kodit Penal.
“Për më tepër, ekziston një nevojë urgjente për një rishikim të plotë të ligjeve aktuale penale dhe procedurale penale, duke përfshirë rregulloret në lidhje me armët e vogla dhe të lehta në lidhje me dhunën ndaj grave, për të parandaluar ato krime më mirë dhe për të ndjekur penalisht në mënyrë efikase shkelësit”.
Për të luftuar me efektivitet femicide dhe të gjithë dhunën me bazë gjinore, është e domosdoshme, sipas kësj organizate, që të punohet së bashku për të zbatuar strategji me ndikim që synojnë parandalimin e dhunës ndaj grave dhe vajzave dhe mbështetjen e të mbijetuarve.
