Shkruan: Sokol PLAKOLlI
Të gjitha fetë i ka krijuar Zoti, andaj nuk ka fe të keqe dhe të mirë. Ka njerëz të cilët praktikojnë fenë e tyre mirë ose keq.
Me lutjet ma të sinqerta, nga thellësia e shpirtit dhe e zemrës, me sinqeritetin ma të madh njerëzorë ua uroj të gjithë vëllezërve Shqiptarë e Kosovarë përcaktimin e tyre të ri fetarë apo siç po e quajnë (konvertimin e besimit të tyre nga feja Islame në fenë katolike) dhe anasjelltas.
Lutem dhe shpresoi që përmes përcaktimit të tyre i ri fetar, pra përmes fesë katolike të arrin të afrohen më pranë Zotit, Krijuesit të Botërave dhe Gjithësisë sesa kanë arritur të afrohen me Zotin përmes fesë islame dhe anasjelltas.
Është shumë më afër Zotit një i krishterë i cili jeton sipas parimeve biblike sesa një mysliman i cili nuk njeh as nuk praktikon asnjë ligj, këshillë apo kriter Kuran-or dhe anasjelltas.
Lutem dhe shpresoi se si katolik këta njerëz të shkojnë rregullisht në kishë dhe ta lexojnë permanente biblën në hebraisht, shqip e anglisht. Të këshillohen me prijësit fetar të fesë katolike dhe ta vizitojnë kishën në vazhdimësi duke u bërë kështu pjesë aktive e komunitetit fetarë të fesë katolike e jo të vazhdojnë të jenë të krishterë pasiv e injorantë ashtu siç “ishin në Islam”. Nëse ju ndodhë kjo, së shpejti ata nuk do të jenë më as katolik, pra nuk do të i mbajë as feja katolike, por do ta përzënë veten e tyre ashtu siç e kanë përzënë nga feja islame.
Lutem dhe shpresoi që këta bashkëkombës të mi të mos jenë të manipuluar dhe ky përcaktimi i ri fetar të ju ketë ndodhur si pasojë e bindjeve të tyre dhe këtë hap t’a kenë ndërmarrë me koshiencë të plotë e jo të nxitur, të shtyrë nga inate të caktuara apo nga injoranca dhe naiviteti apo “patriotizmi” euforik!
Përcaktimin fetarë të individit Zoti e ka lënë në domenin e lirisë personale të secilit individ, pra e ka lënë të lirë, andaj askush nuk ka të drejtë të ja cenojë besimin askujt. Madje besimtarët e fesë islame Allahu i obligon në Kuran që të respektojnë fenë e tjetrit.
Nuk ka dhunë në fe!
Të gjitha fetë i ka krijuar Zoti, andaj nuk ka fe të keqe dhe të mirë. Ka njerëz të cilët praktikojnë fenë e tyre në mënyrë të gabuar, apo neglizhojnë fetë deri në mohimin e Zotit dhe nuk kryejnë e as nuk njohin asnjë nga obligimet e ritet fetare.
Personalisht i inkurajoj të gjithë bashkëkombësit e mi që e ndjejnë veten të krishterë të deklarohen haptazi si të tillë.
Dhe të gjithë bashkëkombësit e mi katolik të cilët veten e tyre e ndjejnë mysliman të deklarohen haptazi si të tillë.
Njeriu jetën e tij të cilën e ka dhuratë nga Zoti të duhet ta jetojë sipas bindjeve të veta.
Në anën tjetër i lus të gjithë bashkëkombësit e mi mysliman e katolik që në emër të fesë e as në emër të bindjeve të tyre, të mos sulmojnë fenë as bindjen fetare të tjetrit. Zoti e ka ndaluar rreptësishtë një gjë të tillë dhe një gjë e tillë është e ndëshkueshme nga Zoti.
Nëse dikush e bënë këtë le t’a dinë se është i devijuar dhe do të ndëshkohen nga Zoti për cenimin e lirisë së tjetrit, liri të cilën Zoti ua ka dhënë njerëzve dhe njerëzit nuk kanë të drejtë të ja cenojnë njëri tjetrit.
E di se ky vështrim i imi mund të keqkuptohet, por këto janë bindjet e mia të cilat vinë si pasoj besimit, njohurive dhe kulturës sime personale.
Me paqe e selam…
